ICT with Danula
Web Development සහ තොරතුරු තාක්ෂණ සන්නිවේදනය ඉලක්ක කරමින්, සිංහල මාධ්‍යයෙන්, සරලව සහ ප්‍රායෝගිකව "නොමිළේ" ගෙන එන මේ වීඩියෝ මාලාවේ අරමුණ වන්නේ මේ ක්ෂේත්‍රයේ Technologies, Languages, Concepts ආදීය ගැන ඔබට දැනුමක් ලබා දීමයි. මෙහිදී සෑම දෙයක් ගැනම මුල සිට අග දක්වා පැහැදිලි කිරීමක් නොකෙරෙන අතර ඒ ඒ විෂය පථයන් යටතේ තෝරාගත් විශේෂිත කොටස් පමණක් ඉලක්කගත කෙරෙනවා.
සියලුම පාඨමාලා මෙතනින්
2012 වර්ෂයේ කොළඹ ආනන්ද විද්‍යාලයේ කලා අංශය ඔස්සේ උසස් පෙළ විභාගයට පෙනී සිටි මා 2013 වසරේ සිට 2016 වසර දක්වා ජාතික ව්‍යාපාර කළමනාකරණ විද්‍යාලය ඔස්සේ වෙබ් අඩවි නිර්මාණකරණය පිළිබඳ උපාධියක් හැදෑරුවෙමි. උපාධිය හදාරන කාලය අතරතුර, එනම් 2015 වර්ෂයේදී පමණ, පුහුණුව ලබන UI Developer කෙනෙක් ලෙස වෙබ් අඩවි සහ මෘදුකාංග නිර්මාණය කරන ආයතනයක් වන Creative-2 ආයතනයට සම්බන්ධ වුණෙමි. 2016 වසරේ උපාධිය සම්පූර්ණ කිරීමත් සමඟම Creative-2 ආයතනයේ ස්ථීර පත්වීමක් ලද මා, 2019 වර්ෂයේ අවසානය වන තෙක්ම එම ආයතනයේ ප්‍රධාන UI Developer ලෙස සහ ප්‍රධාන SEO Analyst ලෙස සේවය කළෙමි. එම කාලය අතරතුර තවත් මෘදුකාංග නිර්මාණ සමාගමක් වන Fritoh ආයතනයේ UI Designer කෙනෙකු ලෙස සහ Full Stack Developer කෙනෙකු ලෙස මා තාවකාලිකව සේවය කළ අතර වෙබ් අඩවි නිර්මාණකරණය පිළිබඳව සේවාවන් සපයන මාගේම ආයතනයක්ද ආරම්භ කළෙමි. 2019 වර්ෂය අවසානයේදී Creative-2 ආයතනයෙන් සමුගන්න මා, මේ වන විට eLearning.lk ආයතනයේ මාධ්‍ය හා තොරතුරු අධ්‍යක්ෂණ අංශය සඳහා දායකත්වය ලබා දෙමින් සිටිමි.
.png)